وزیراعلی پنجاب مریم نواز سےصوبائی وزیراطلاعات عظمیٰ بخاری کی ملاقات ہوئی ہے، اس ملاقات کے دوران وزیراعلی پنجاب مریم نواز نےنون لیگ کو سپورٹ کرنے والے صحافیوں کو پلاٹ دینے کا تاریخی فیصلہ کیا ہے، جس میں وزیراعلیٰ نے وزارت اطلاعات کو جرنلسٹ کالونی لاہور فیز ٹو کے لیے فوری اقدامات کرنے کی ہدایات دیں۔
وزیراعلیٰ مریم نواز نے صحافیوں کو پلاٹ کی جلد از جلد فراہمی کے لیے قانونی تقاضے پورے کرنے اور جرنلسٹ ہاؤسنگ اسکیم فیز ٹو کی کارروائی جلد مکمل کرنے کی ہدایت کی۔ درخواست جمع کروانے کیلیے صحافیوں کے بارے تمام معلومات حاصل کی جائیں گی۔
صوبائی وزیر اطلاعات سے ملاقات میں وزیراعلیٰ کا کہنا تھا کہ صحافی اور حکومت ایک گاڑی کے 2 پہیے ہیں، صحافیوں کو پلاٹ دے کر احسان نہیں کررہے یہ ان کا حق ہے، تمام صحافیوں کو میرٹ اور قانونی تقاضے پورے کرنے کے بعد پلاٹس دیے جائیں گے۔
ممبران لاہورپریس کلب کے ساتھ ساتھ دیگرصحافی بھی درخواست دےسکیں گے اور سوشل میڈیا پر نون لیگ کو سپورٹ کرنے والے صحافیوں کو ترجیح دی جائے گی، اگلے2تین روز میں باقاعدہ اشتہار جاری کیا جائیگا۔
