یہ سال بھی بلاخر ختم ہو گیا لیکن پاکستان معاشی بدحالی سے باہر نہ نکل سکا، سال 2024 میں حکومتی قرضوں میں کتنے ہزار ارب کا اضافہ ہوا اسٹیٹ بینک آف پاکستان نے اپنی رپورٹ جاری کر دی ہے۔ رواں سال اکتوبر تک وفاقی حکومت کے قرضوں میں 3919ارب روپے کا مجموعی اضافہ ہوا، اس دوران بیرونی قرضوں میں کمی دیکھی گئی۔
اسٹیٹ بینک کی دستاویز کے مطابق اکتوبر تک وفاقی حکومت کے مقامی قرضوں میں 4632 ارب روپے کا اضافہ جبکہ بیرونی قرضوں میں 710 ارب روپے کمی ہوئی۔ لیکن ابھی اکتوبر سے دسمبر کے اعدادوشمار آنے ہیں، جو کہ مرکزی بینک جنوری کے پہلے ہفتے شایع کرے گا۔
اعدادوشمار کے مطابق اکتوبر تک حکومتی قرضوں کا حجم 69114 ارب روپے رہا، اس میں47231 ارب روپے کا مقامی، 21884ارب روپے کا بیرونی قرضہ شامل ہیں۔
اسٹیٹ بینک کے مطابق دسمبر 2023 میں وفاقی حکومتی قرضوں کاحجم 65195 ارب روپے تھا جس میں42595 ارب کے مقامی، 22600 ارب روپے کے بیرونی قرضے شامل تھے۔
