مسلم لیگ (ن) کے سربراہ میاں محمد نواز شریف کے پوتے اور مریم صفدر کے بھتیجے زید حسین نواز کی شادی کی تیاریاں جاتی امراء میں جاری ہیں، اسی سلسلے میں فارم ٤٧ کے وزیراعظم پاکستان میاں شہباز شریف کی شام چار بجے جاتی امراء آمد متوقع ہے۔
تفصیلات کے مطابق ذرائع کا کہنا ہے کہ نواز شریف کے پوتے کی شادی میں سیاسی شخصیات، عزیز و اقارب اور ملکی و غیر ملکی مہمانوں سمیت 700 افراد کو مدعو کیا جائے گا اور تقریب میں آرمی چیف جنرل عاصم منیر مہمان خصوصی ہوں گے۔ حسین نواز کے صاحبزادے زید حسین نواز کی شادی کی تقریبات 24 دسمبر سے شروع ہوں گی۔
نواز شریف کے پوتے زید حسین کی شادی کی مناسبت سے مہندی و ڈھولک کی تقریب 24 دسمبر ہو گی۔ ان کا نکاح 25 دسمبر کو شیڈولڈ ہے، جاتی امراءمیں 26 دسمبر کو قوالی نائٹ کا اہتمام ہو گا جس کے ٩٠ لاکھ روپے ادا کر دیے گئے ہیں۔
دولہا زید حسین نواز کی 27 دسمبر کو سہرا بندی ہوگی اور بارات لے کر نکلیں گے۔ ان کی دعوت ولیمہ کی تقریب 29 دسمبر کو جاتی امراء میں ہی منعقد کی جائے گی۔
 کے سربراہ میاں محمد نواز شریف کے پوتے اور مریم صفدر کے بھتیجے زید حسین نواز کی شادی کی تیاریاں جاتی امراء میں جاری ہیں،){kind=link}