ترجمان دفتر خارجہ نے دوٹوک پیغام دیا ہے کہ پاکستان کی سکیورٹی کا فیصلہ پاکستانی قوم کرےگی، پاکستان پر ماضی میں بھی بہت سی پابندیاں لگیں، مگر ہم نے اپنی سکیورٹی پر توجہ مرکوز رکھی۔ پاکستانی میزائل پروگرام پر امریکی پابندیاں غیرضروری اور ناانصافی پرمبنی قرار دیدیا۔
ترجمان دفتر خارجہ ممتاز زہرا بلوچ نے واضح کیا ہے کہ پاکستان کی سیکیورٹی کا فیصلہ پاکستانی قوم کرے گی۔ پاکستان پرماضی میں بھی بہت سی پابندیاں لگیں لیکن ہم نے اپنی سکیورٹی پرتوجہ مرکوز رکھی ۔
ترجمان دفتر خارجہ کا کہنا تھا خطے میں میزائل سسٹم اور جوہری ٹیکنالوجی کی دوڑ بھارت نے شروع کی ۔ فوجی عدالتوں سے متعلق یورپی یونین کے تحفظات پر ترجمان دفترخارجہ نے کہا کہ پاکستان کے آئین اورعدالتوں میں اندرونی معاملات حل کرنے کی صلاحیت موجود ہے۔۔ پاکستانی قوم اپنے اندرونی مسائل کو حل کرنا جانتی ہے۔
ترجمان دفترخارجہ کا کہنا تھاکہ امریکا کی پاکستانی میزائل پروگرام پرلگائی گئی پابندیاں غیر ضروری اور نا انصافی پرمبنی ہیں ، پاکستان نے کبھی نہیں کہا کہ امریکا سے ایسے تعلقات رکھنا چاہتے ہیں کہ جنگ کی صورتحال پیدا ہو اور میزائل کی ضرورت پیش آئے۔
علاوہ ازیں فوجی عدالتوں سے متعلق یورپی یونین کے تحفظات پر دفتر خارجہ نے کہا ہے کہ پاکستان کے آئین اور عدالتوں میں اندرونی معاملات حل کرنے کی صلاحیت موجود ہے، پاکستانی قوم اپنے اندرونی مسائل کو حل کرنا جانتی ہے۔ ذریعہ
