گزشتہ کئی سالوں سے ہم اکثر یہ سنتے آ رہے ہیں کے اسٹیٹ بینک کرنسی نوٹ تبدیل کرنے کے بارے سوچ رہا ہے لیکن چند دن بعد ایسی خبروں کی تردید کر دی جاتی ہے. اب ایک بار پھر اسٹیٹ بینک کا کہنا ہے کہ دسمبر تک تمام کرنسی نوٹ نئے ڈیزائن کے مطابق متعارف کروائے جائیں گے۔
ذرائع کے مطابق اس بار کاغذ کی بجائے ایک کرنسی نوٹ پلاسٹک کا بھی متعارف کروایا جائے گا جبکہ نئے ڈیزائن کی کرنسی متعارف کروانے کے لیے وفاقی کابینہ سے جلد منظوری لی جائے گی”
اس سلسلے میں گورنر اسٹیٹ بینک جمیل احمد اس بات کی تصدیق کی ہے کہ پچھلے دنوں سینیٹ کی قائمہ کمیٹی برائے خزانہ کے اجلاس میں کرنسی نوٹوں کی تبدیلی کے حوالے سے آگاہ کر دیا گیا ہے۔
مزید گورنر جمیل احمد کا کہنا تھا کہ 5 ہزار کا نوٹ بند نہیں کیا جائے گا اور نہ ایسی تجاویز ہیں۔ پلاسٹک کرنسی کی لائف کاغذ کی کرنسی سے بہتر ہوئی تو مستقل میں یہی استعمال ہوگی، نئے کرنسی نوٹوں میں تمام نئے فیچرز متعارف کروائے جائیں گے، پلاسٹک کرنسی کے لیے پولی مر کا پلاسٹک استعمال کیا جائے گا۔
گورنر اسٹیٹ بینک کے مطابق 10 روپے سے لے کر 5 ہزار روپے تک کے تمام کرنسی نوٹ تبدیل کیے جائیں گے. لیکن دوسری جناب ماہرین کا کہنا ہے کہ کرنسی نوٹ کی تبدیلی اتنا آسان کام نہیں ہو گا، کیونکہ ملک میں کرپشن سے بنیا ہوا بہت سارا پیسہ سیاست دانوں اور دیگر لوگوں کے گھروں میں پڑا ہے، تبدیلی کے وقت اس کا حساب دینا ناممکن ثابت ہو گا۔
