انٹرنیشنل مارکیٹ میں پیٹرولیم مصنوعات کی قیمتوں میں کمی کے باعث پاکستانیوں کو ریلیف ملنے کا امکان ہےرواں مہینے 16 ستمبر سے پیٹرولیم مصنوعات 12 روپے فی لیٹر تک سستی ہونے کا امکان ہے۔ اگر حکومت کی جانب سے لیوی عائد نہ کی گئی تو عوام کو ریلیف ملے گا۔
ذرائع کے مطابق 16 ستمبر سے پیٹرول 11 روپے 70 پیسے اور ہائی اسپیڈ ڈیزل 11 روپے 91 پیسے فی لیٹر تک سستا ہو سکتا ہے۔ مٹی کے تیل کی قیمت میں ا8 روپے 30 پیسے اور لائٹ ڈیزل کی فی لیٹر قیمت میں 9 روپے 50 پیسے تک کمی ہو سکتی ہے ۔
اوگرا نے مارکیٹ ڈیٹا کے مطابق ابتدائی ورکنگ مکمل کرلی جو قیمتوں 15 ستمبر کو حکومت کو بھیجی جائے گی۔ وزیراعظم پٹرولیم مصنوعات کی قیمتوں کے تعین کی حتمی منظوری دیں گے۔ وزارت خزانہ نئی قیمتوں سے متعلق نوٹیفکیشن 15 ستمبر کو جاری کرے گی۔
